ظلع الشمس كلي اشلون مكسور

الرابط المختصرhttps://wp.me/paGRK5-1yw

ظلع الشمس كلي اشلون مكسور

Linkedin
Google plus
whatsapp
نوفمبر 15, 2019 | 5:48 ص

 ظلع الشمس كلي اشلون مكسور  وشلون الشمس دفنوها بلليل

كلي بيا تخوم الارض مولاي مدفونه الشمس نحتاج تحليل

المجرات ابجفوفك سبحه مولاي الزوهره لو الزهره احتاج تفصيل

نور البيك زاهر يعني زهراء ودمعاتك على الزهرة مجاتيل

من عصرو الزهره ابدفعت الباب سمانه اشلون ما مطرت ابابيل

خد الباسه احمد ليش مسطور وليش اللون الاحمر عينها ايشيل

الكوثر وصفج رب السماوات المطهر طاهر وميشمله تغسيل

جنت كشخت محمد بلملمات وتهليلك تخاوه ويه التراتيل

رد الشمس جفك كلي لو شال جثمان الشمس بس جفك ايشبل

شنو جفك علي ميبطل اعجاز يغسل الكون ويحطم التماثيل

لبست اللون الاصفر ليش مولاي الاصفر من تلبسه الثابته اتميل

يا ام الابوج اكلوبنه اتفور كطره انه ابمحبتج والبحر جيل

انه العاشك الزهره وذايبه الروح وعشكت اللون الاسود موش تمثيل

 

 

الشاعر : علي المشاي / كوت

شارك هذا الموضوع
مكة المكرمة